Uminabot na sa labi 1,160 an kabilugang numero kan mga nagadan sa mahiwasang pagbaha asin landslide sa pirang parte kan Asya, kabale an Sri Lanka asin Indonesia.
An makusog na pag-uran an dara kan magkasuway na weather systems na nagtama sa mga nasyon kan Sri Lanka, Sumatra, Indonesia, katimugang parte kan Thailand, asin norteng Malaysia, kasabay kan monsoon season.
Sa Indonesia, pigkakarkulong 593 na an ngadan asin 470 an presenteng nawawara.
Nagpadara man an gobyerno nin tolong warships asin duwang hospital ships, alagad dakul na tinampo sa mga apektadong lugar an dai pa maagihan.
Mientrastanto, sa Sri Lanka, 390 an nairehistrong nagadan asin 352 an nawawara.
Kasabay niyan an pagdedeklara ni Sri Lankan President Anura Kumara Dissanayake nin state of emergency.
Mientrastanto, sa Thailand, nairehistro man an 176 na nagadan huli sa raot nin panahon, mantang sa Malaysia, duwa na an naireport na nagadan huli sa raot nin panahon.
Segun sa World Health Organization, an mga kalamidad na naeksperyensyahan an pagirumdom kun pano an pigpapalala kan climate change an mga matitinding weather events, mantang an mga operasyon nagpapadagos para sa rescue, relief, asin rehabilitasyon kan mga apektadong residente sa Asya.
