LEGAZPI CITY-Inarestar an walong indibidwal kan mga otoridad sa Hong Kong sa pagpapadagos kan imbestigasyon sa nangyaring mahiwasang kasulo sa Wang Fuk Court sa sarong housing complex.
Kaiba sa mga naaresto an duwang director kan consultancy firm na siyang nagtataong abiso sa maintenance works sa lugar magin an duwang project managers na siyang nagmamangno sa trabaho, tulong scaffolding subcontractors asin saro pang tagapamagitan.
Enot nang inarestar an tulo katawo kaiba na an duwang company directors asin consultant alagad pinalaya ini asin pinapabalik sa mga otoridad huli sa dugang pang imbestigasyon.
Sa ngonian uminabot na sa 128 katawo an kumpirmadong nagadan mantang labi sa 200 pa an nawawara.
Kada pamilya suboot na nalagasan nin mahal sa buhay an makakaresibe nin tag-$25,700 o katumbas kan labi P1.5 milyon mantang an mga naapektaran an makakaresibe nin haros P400,000.
Nagpapadagos man giraray an mga otoridad sa Hong Kong manungod sa pinoonan kan kasulo.
