LEGAZPI CITY-Nairehistro an mga minor landslides o pagrasay nin daga asin pagbabaha sa nagkapirang lugar sa Baras Catanduanes huli sa makusog na pag-uuran kawsa kan Bagyong Verbena.
Segun kay Baras Municipal Disaster Risk Reduction and Management Office Head Engr. Khalil Tapia, sa intrevista kan Bombo Radyo Legazpi, na sarong barangay an apektado kan landslide asin may mga pagbabaha man sa nagkapirang lugar orog na sa Barangay Gigmoto.
Dugang pa ni Tapia na nagkansela nin klase sa lugar asin wara man nin nalaag sa alanganin na mga estuydyante.
Nagkaigwa man nin minor landslide sa Barangay Moning kun sain nakaharang ini sa kakalsadahan.
Enkaso na magkusog suboot an pag-uuran an nag-aabiso sinda kun nuarin maebakwar orog na sa mga hararani sa landslide area kun sain mga mga naka in charge na mga tauhan.
Sa ngonian, wara pa man nin pinapaluwas na issuance an coast guard, alagad delikado man giraray suboot an magpalaot.
Pigmomonitor na man ninda an mga biglaang pagkakaigwa nin landslide asin pagbaha sa mga kaharongan.
Abiso kan opisyal orog na sa mga biyaheros na mag-doble ingat huli sa dakol na area an one lane sana asin mahalnas an mga kalsada huli sa paguuran.
