LEGAZPI CITY—Nakasalbar an sarong lalaking driver makalihis na mahulog an pigmamanehong tricycle sa 2-3 metro na rarom nin bangin sa Barangay Paniquihan, Baras, Catanduanes.
Segun ki Baras Fire Station Public Information Officer Fire Officer 1 Ma. Rossette Bellen, sa intrevista kan Bombo Radyo Legazpi, naghagad sainda nin asistensya an Municipal Disaster Risk Reduction and Management Office (MDRRMO) sa pag-recover kan nasabing behikulo.
Tulos man sindang nagresponde kun saen enot na sinuri an sitwasyon sagkod na ma-recover an tricycle.
Dugang kan opisyal na nasa impluwensya suboot nin arak an nasambitang driver.
Mientrastanto, abiso ni Bellen sa mga motorista na kun dae kaya magmaneho an mas maray na magpahinghalo muna nganing malikayan an dae mga piglalaomang insidente.
