Mas pinahigot pa kan Philippine National Police (PNP) an saindang manhunt laban sa mga akusado nin graft asin malversation na may kinaaraman sa P289-million na flood control project sa Oriental Mindoro asin nagpatanid sa publiko na an pagtabang sainda an sarong pagbalgar sa ley asin obstruction of justice.
Segun ki Police Lt. Gen. Jose Melencio Nartatez Jr., acting chief kan PNP, an pagtao nin istaran o tabang sa mga akusado an mapapadusahan.
An pahayag kasunod kan pag-arestar sa nagkapirang opisyales kan DPWH mantang pigsasagibo an arrest warrant laban sa saro sa mga akusado.
Napag-araman na an harong kun saen dinakop an sarong engineer kan DPWH pagsasadiri kan sarong pulitikong taga-Mindoro.
Sa presente, nasa kustodiya na kan gobyerno an pitong co-respondent ni dating Ako Bicol partylist Rep. Zaldy Co.
Abiso ni Nartatez sa publiko na dae pagprotehiran an mga pugante asin engganyaron an mga natatadang suspechado na magsuko na asin hampangon an kaso.
Pigtawan doon pa kan PNP na ipagpapadagos an operasyon sagkod makasuhan an gabos na akusado, asin saindang sinabi na warang special treatment an itatao sa siisay man.
 has tightened its manhunt against those accused of graft and malversation involved in the P289-million flood control project in Oriental Mindoro and warned the public that helping them is a violation of the law and obstruction of justice.){kind=link}