Plano kan Department of Agriculture na magpaluwas nin price ceiling sa nagkapirang imported pork sirig man sa sibulyas asin carrots hali sa ibang nacion.
Segun ki Agriculture Secretary Francisco Tiu Laurel na an lakdang na ini an huli sa labing paglangkaw kan presyo kan nasabing mga produkto.
Basado sa propuesto, an imported liempo an hasta sa P370 kada kilo sana mantang an imported kasim asin pigue an hasta sa P340 kada kilo.
Mientras tanto, an puting sibulyas asin pulang sibulyas na lokal asin imported an dapat na hasta sa P120 kada kilo sana an presyo.
An mga imported na carrots an dapat na hasta sa P120 kada kilo man an presyo.
Segun sa ahensya na posibleng maipababa kaini an presyo kan nasabing mga produkto sa masunod na mga aldaw.
