Ibinuyagyag ni Senador Win Gatchalian an sampulong ‘most complained’ na ahensiya kan gobyerno sa nacion kabale an Land Transportation Office (LTO), Bureau of Internal Revenue (BIR), asin iba pa.
Segun ki Gatchalian, chairman kan Senate Finance Committee, ang impormasyon an basado sa report kan Anti-Red Tape Authority (ARTA).
An ARTA an nagpapakusog kan mga serbisyo nin mga ahensya kan gobierno asin an enforcement o an pagpapaotob nin Republic Act No. 11032 o ang Ease of Doing Business and Efficient Government Service Delivery Act of 2018 kontra sa mga nagbabalgar kaini.
Afuera sa LTO asin BIR, an ibang ahensiyang ipigreklamo an Food and Drug Administration (FDA), Philippine Statistics Authority (PSA), Land Registration Authority (LRA), Social Security System (SSS), Home Development Mutual Fund (Pag-ibig Fund), Securities and Exchange Commission (SEC), Philippine Health Insurance Corporation (PhilHealth), asin Government Service Insurance System (GSIS).
Dugang pa niya, nagsunad na suboot an ARTA sa Ombudsman kontra sa 313 local government units huli sa pagbalgar sa Anti-Red Tape Law.
