LEGAZPI CITY-Posibleng maapektaran asin magluya an suplay nin tubig sa nagkapirang lugar sa ciudad kan Legazpi huli sa padagos kan sarong leak basado Legazpi City Water District General (LCWD).
Segun ki Legazpi City Water District General Manager Rico Salazar sa intrevista kan Bombo Radyo Legazpi, na huli ini sa padagos na pag-repair kan PHILHYDRO kun sain nagkaigwa nin leak sa may dike sa parte kan Barangay Bogtong.
Sa presente, pig-divert suboot an tubig sa paagi kan Mabinit line kun sain iyo an pinagkukuwaan kan PHILHYDRO.
Bako man suboot dakula an leak alagad makikipagkoordinar sinda sa PHILHYDRO ngani matapos na an pigsasagibong pag-repair.
Sisiertuhon man ninda na maibalik an normal na suplay nin tubig alagad padifisilan suboot ini huli sa nakaulang na tree trunk.
Dugang pa kan opisyal na posibleng maapektaran o magluya an suplay nin tubig partikularmente na sa may Peñaranda, Bonot, Centro-Baybay, Pigcale asin iba pang haraning lugar kasabay na an Bitano asin Orosite.
Kadakol man suboot na nakaplano kun sain pigsisierto na kan ahensya na mabalyuhan an mga problema sa tubig sa ciudad kan Legazpi.
