LEGAZ[I CITY-Nanotaran an sarong Low Pressure Area (LPA) sa laog kan Philippine Area of Responsibility (PAR) kun sain posible ining magin Tropical Depression sa mga masunod na aldaw.
Segun ki Weather Specialist Jaime Bordales sa intrevista kan Bombo Radyo Legazpi, na nasa laog na kan PAR an nasabing LPA na enkaso magkusog an aapudon ini sa local name na “Verbena”.
Mamamatean man an extension kan LPA sa dakulang parte kan Mindanao sa mga masunod na aldaw asin oras kun sain magdadara ini nin paguuran.
Pasiring sa norte an hiro kaini kun sain laoman man suboot an makukusog na paguuran sa mga masunod na oras.
Sa Bicol Region, magigin moderato ini sa ngonian alagad enkaso mag-intesify an LPA an posibleng magtaas na nin signal warning asin otomatikong pinagbabawal na an paglalayag orog na sa Masbate asin Sorsogon.
Sa presnete, abiso sa publiko na samatalahon an paglalayag mantang dai pa nagkukusog an LPA.
Pangapudan man sa gabos na dai basta magtubod sa ibang mga post huli sa nagkakawsa ini nin panic sa publiko.
