LEGAZPI CITY-Nagpatanid an Department of Information and Communications Technology (DICT) sa publiko manungod sa mga scam na nagkakalat tuyong holiday season.
Segun kay Information and Communications Technology Secretary Henry Aguda na mas dakul an mga scam ngonian na panahon huli sa paglangkaw kan paggamit nin e-commerce, e-wallets, asin paglangkaw kan remittances, siring man an cash bonus para sa kadaklan na mga Pilipino.
Dagdag pa kan kalihim na nasa 60% – 70% kan mga scam an nangyayari sa pagabot kan kapaskuhan hasta sa katahawan kan Enero.
Mawot mn suboot kan ahensya na orog pang mapalangkaw an kaaraman laban sa mga cybercrime sa paagi nin pinakusog na kampanya sa impormasyon sa publiko asin koordinasyon sa manlaen-laen na ahensya sa pagpapaotob kan ley.
