LEGAZPI CITY-Inagyat ni Senador Raffy Tulfo si National Irrigation Administration (NIA) Administrator Eddie Guillen na magdemitir kun mapatunayan na an sarong proyekto sa patubig an dai nahirahay nin tama makalihis ideklarar na tapos na.
Sa deliberasyon kan ahensya sa 2026 budget proposal, ipinahiling ni Tulfo an mga proyekto sa patubig na suboot kulang sa kalidad asin nagigin rason kan danyos sa mga paraoma.
Pigtawan doon ni Tulfo an Bulo Small Reservoir Irrigation Project, na pigdeklara kan ahensya na tapos na kan taong 2022.
Alagad sa sarong field inspection na ginibo kan 2023 pagkatapos na magtama an bagyong Karding, nadiskubre ngonian na taon na igwa suboot nin mga depekto an nasabing proyekto sa irigasyon.
Ineksplikar man ni Senador Kiko Pangilinan na makalihis na magtama an bagyong Karding, may mga parte kan kanal na naraot asin piglinaw kaini na an nag-aayos ngunyan na contractor an nagsasagibo kan proyekto.
Alagad basado sa kwenta kan nagkapirang paraoma na nakipag-olay sa ofisina ni Tulfo, an wara man nin aktuwal na paghirahay sa irigasyon.
Mientrastanto, pig-ako man ni Administrator Eddie Guillen an hamon ni Tulfo kun sain sa masunod na semana, magsasagibo nin inspeksyun an saiyang opisina para sa nasabing proyekto.
