LEGAZPI CITY-Nasentensyahan an dating alkalde kan Bamban, Tarlac na si Alice Guo nin guilty kan Pasig Regional Trial Court Branch 167 katakod kan kaso na Qualified Trafficking in Persons.
An hatol may kinaaraman sa operasyon kan Philippine Offshore Gaming Operators (POGO) sa Bamban kun saen ginatos na mga trabahador an nasalbar sa sarong raid.
Ipinataw kan korte an sentensyang reclusion perpetua, na katumbas nin habangbuhay na pagkakakulong.
Si Guo nagin sentro nin kontrobersiya pagkatapos na magluwas an mga alegasyon kan saiyang koneksyon sa Chinese nationals asin sa iligal na POGO hub.
Apwera sa trafficking nagin orolay man an saiyang citizenship sa Pilipinas.
Pigkokonsiderar man na makasaysayan an desisyon kan korte laban sa sarong opisyal na imbuelto sa krimen na may kinaaraman sa POGO.
Pigkokonsiderar man suboot na kapangganahan ini para sa mga biktima kan human trafficking asin patanid sa mga opisyales na posibleng imbwelto sa iligal na operasyon.
