Nagluwas nin resolusyon ang Department of Justice – National Prosecution Service (DOJ-NPS) kan Marso na nagrerekomendang sunadan nin kadugangang kaso si Guo Hua Ping o Alice Guo asin an saiyang mga kaiba huli sa pagbalgar sa Anti-Dummy Law.
May kinaaraman ini sa operasyon kan 3LIN Q-Farm Inc. sa Pangasinan.
Inakusaran sinda Guo nin simulation of minimum capital stock nganing magmukhang lehitimo ang korporasyon.
Susog sa imbestigasyon, ginamit suboot an mga “dummy” o pekeng pagkakakilanlan nganing makabakal nin mga daga sa Pilipinas, na ipinagbabawal sa mga dayuhan sa irarom kan ley.
Enot nang sinunadan an grupo nin pitong counts kan pagpapalsipika kan mga dokumento alagad an kasong pagbalgar sa Anti-Dummy Law an ibinasura kaito kan DOJ.
Nagsumiter nin Motion for Reconsideration ang NBI-Dagupan District Office makalihis an enot na pagbasura kan kaso.
Pagdoon kan NBI, kung ibabasura ang kaso huli sana sa binakal an daga bago pa man nagluwas an Articles of Incorporation, pwedesir ining gamiton na butas kan mga ibang nagbabalgar sa ley nganing makalikay sa padusa.
Dugang kaini, ginamit ang pekeng nasyonalidad nganing makua an mga direchos asin pribilehiyo na para sana sa mga domestic corporation o mga Pilipino.
Inomaw ni NBI Director Atty. Melvin Matibag ang dedikasyon kan mga ahente kan NBI-Dagupan District Office sa mahigot na imbestigasyon kan kasong ini.
