Inapod na ‘’hearsay” o haka-haka sana kan Malacañang ang nagin akusasyon ni Co laban ki Presidente Ferdinand Marcos Jr.
Sinabi ni Presidential Communications Office’s Acting Secretary Dave Gomez, na an akusasyon an warang kumpletong basehan asin mga ebidensiya.
An presidente mismo an nagbuyagyag kan gabos nin mga anomalya sa flood control kun saen naggibo ini nin lakdang nganing masunadan nin kaso an nasa likod kan isyu.
Afuera pa digdi an dapat na maibalik an mga yaman asin maayos an gabos nganing dae na mautro liwat sa sistema.
Inagyat man kan opisyal si dating Ako Bicol Party-list Representative Zaldy Co na mag-uli asin panumpaan ang mga alegasyon kaini.
Magigiromdomang inakusaran ni Co an presidente asin an pinsan kaining si dating Speaker Martin Romualdez kaiba an nagkapirang members na nag-insert nin P100-bilyon hale sa national budget.
