LEGAZPI CITY-Pigsisierto kan lokal na gobierno kan Camalig an restoration kan mga lugar ngani magkaigwa na nin suplay kan kuryente.
Segun kay Camalig, Albay Mayor Carlos “Caloy” Irwin Baldo Jr. sa intrevista kan Bombo Radyo Legazpi, na nasa 30% pa sana o 15 barangay an may suplay nin kuryente.
May mga kaipuhan pa suboot na mahirahay siring kan mga tinampo asin mga harong na labing nadanyaran kan nakalihis na bagyo orog na sa mga nalubog sa pagbaha.
Sa ngonian an wara pa suboot sinda nin inisyal na datos mapadapit sa mga danyos sa agrikultura.
Nagpapadagos man an saindang paglinig asin pigtatawanan nin prayoridad an pag-assess kan kabilugang danyos sa mga kaharongan.
Nakapagtao man sinda nin mga relief goods sa mga indibidwal na nakapag-ebakwar.
Sa presente padagos man an pigsasagibong power restoration kan mga service provider ngani maibalik an serbisyo sa publiko.
