LEGAZPI CITY-Pigsierto kan Department of Justice na bantay-sarado an kada hiro o pagbyahe ni dating Department of Public Works and Highways Sec. Manuel Bonoan sa ibang nacion.
Segun mismo kay Atty. Polo Martinez, tagapagtaram kan kagawaran, igwa sindang ‘real time monitoring’ asin ‘reporting’ sa hiro kan nasabing dating opisyal.
Dagdag pa niya na mahigot nindang pigbabantayan an opisyal enkaso magpalit ini nin lokasyon poon Estados Unidos pasiring sa ibang lugar.
Ipigheras man ni Atty. Martinez na katuwang ninda an Bureau of Immigration sa pagsasagibo nin monitoring.
Kun kaya enkaso suboot na mag-isyu asin isairarom sa Immigration Lookout Bulletin an dating opisyal, pigsisierto ninda na bantay sarado an kada hiro kan dating opisyal.
Aminado man an Department of Justice na dai ninda kayang ulangan si former Public Works Sec. Bonoan na makaluwas sa nacion.
Paliwanag pa kan abogado an wara pang opisyal o pormal na kasuguan ngani dai matugutan na magbyahe si Bonoan.
Bako sana suboot ini para kay Bonoan kundi magin sa sisay mang indibidwal na wara pang pigkakahampang na ‘hold departure order’ asin may direchos na magluwas asin magbyahe paluwas kan nacion.
Ibig sabihon suboot, malaya man giraray na nakakabyahe sa nacion an mga imbuelto sa flood control projects anomaly na kaiba sa Immigration Lookout Bulletin pa sana kan nasabing kagawaran.
