LEGAZPI CITY- Nakapagrehistro nin nasa P700 million na inisyal na danyos an provincia kan Sorsogon huli sa epekto kan bagyong Uwan.
Segun ki Sorsogon Provincial Disaster Risk Reduction and Management Office head Engineer Raden Dimaano sa intrevista kan Bombo Radyo Legazpi na nasa 80% pa sana ini kan numero kan danyos sa provinia.
Napag-araman kaya na igwa pang mga report na pinaghahalat hali sa iba pang mga lokal na gobierno.
Segun sa opisyal na an nasabing danyos an hali sa sektor kan agrikultura, household asin iba pang mga nadistroso kan kalamidad.
Mientras tanto, sinierto man kan opisyal an padagos na pagpapaabot nin tabang sa mga naapektaran kan nasabing raot nin panahon.
