Lalo pang naglobo an numero kan mga nagadan sa pangrarapado kan bagyong Tino sa Pilipinas, basado sa updated report na iniluwas kan National Disaster Risk Reduction and Management Council (NDRRMC) ngonian na Nobiyembre-11.
Sa nasambitang report, puminakol na sa 232 katawo an kumpirmadong nagadan.
An probinsiya kan Cebu an nagrehistro nin may pinakadakol na nagadan na uminabot sa 150 katawo.
Sinundan ini kan Negros Occidental na igwang 42, mantang 21 katawo man an nagadan sa Negros Oriental.
Sa presente, padagos pa mang pighahanap an kabilugang 112 katawo na opisyal na nairehistrong mising.
Kadakol sa mga ini an pigkakahandalang nadara sa mahiwasang pagbaha o natabunan sa mga nangyaring landslide.
Uminabot na man sa 523 katawo an napabaretang nairido sa pananalasa kan makusog na bagyo.
Sumentro sa Visayas an bagyong Tino.
 on November 11.){kind=link}