LEGAZPI CITY—Nagpepreparar man an lokal na gobierno kan Bulan, Sorsogon mapadapit sa posibleng magin epekto kan Bagyong Tino sa lugar.
Segun ki Local Disaster Risk Reduction Management Office I, Operations and Warning, Municipal Disaster Risk Reduction and Management Office Bulan Officer Aaron Daniel Espenocilla, sa intrevista kan Bombo Radyo Legazpi, nagkundusir na sinda nin meeting kaiba an Provincial Disaster Risk Reduction and Management Office sa preparasyon sa nasabing bagyo.
Naglilibot na man suboot sinda sa mga barangay asin padagos an saindang pag-monitor sa state weather bureau.
Dugang kaini na nakapreparar na man an mga evacuation center en kaso na magpaotob nin pag-ebakwar sa saindang mga residentes.
Mientrastanto, abiso man kan opisyal sa publiko na pirmeng magin preparado sa anumang sitwasyon katakod kan naunambitang raot nin panahon.
