LEGAZPI CITY—Prayoridad ngonian na mapa-ebakwar an mga residentes kan Sitio Lagaan, Barangay Banawan, Pio Duran Albay huli sa biglaang paghalangkaw kan lebel kan tubig sa Panganiran River dara kan makukusog na pag-uuran na epekto kan bagyong Tino.
Segun ki Municipal Disaster Risk Reduction and Management Office Pioduran Head, Noel Ordoña, sa intrevista kan Bombo Radyo Legazpi, na an dating tulay na pig-aagihan kan mga residentes digdi an naraot na kan nakaaging bagyong Kristine kun kaya nagpa-otob sinda nin pre-emptive evacuation.
Katabang ninda sa pagpa-ebakwar an Philippine National Police, Bureau of Jail Management and Penology, Bureau of Fire Protection, Philippine Coast Guard, Philippine Maritime, asin mga opisyales kan nasabing barangay.
Dugang ni Ordoña na maabot sa 157 na pamilya an saindang napa-ebakwar sa mga evacuation center.
Dae suboot ninda piglalaoman na tulos na mahalangkaw an lebel kan tubig na boot-sabihon an makusog an pag-uuran gikan sa kabulodan.
Mientrastanto, naka-alerto man suboot an Barangay Disaster Risk Reduction and Management committee sa saindang banwaan.
Nagpagiromdom man an opisyal sa publiko na magsunod sa mga abiso kan mga otoridad.
