LEGAZPI CITY- Nangapudan an sarong grupo nin transportasyon na matabangan sinda kan gobierno sa tahaw kan padagos na paglangkaw kan presyo kan produktong petrolyo.
Kaibanan sa mga ini an pagtatao nin fuel subsidy sa mga drivers.
Segun ki Sorsogon Integrated Transport Federation President Ramon Dealca sa intrevista kan Bombo Radyo Legazpi na matindi an epekto kan oil price hike sa ganansya kan mga drivers.
Pinagkakasya na sana suboot ninda an ganansya sa bilog na maghapon na pamamasada huli ta wara man na ibang pagpipilian.
Sa ibong kan difisil na sitwasyon kan mga drivers asin operators, nilinaw kan nasabing grupo na wara sindang plano na makisumaro sa anuman na klase nin tigil-pasada.
