LEGAZPI CITY-Isinagibo an random drug testing sa bus terminal sa Legazpi City kan Land Transportation Office-Bicol katuwang an Philippine Drug Enforcement Agency-Bicol bilang pag-asigurar sa kaligtasan kan mga mabiyahe para sa Undas.
Segun ki Philippine Drug Enforcement Agency-Bicol Spokesperson Carlo Fernandez sa intrevista kan Bombo Radyo Legazpi na an nasabing lakdang an bilang pagsierto sa kaligtasan sa mga tinampo, pati na kan mga kababayan asin mga bakasyunista.
Nasa 196 na mga driver asin konduktor an na-drug test sa Legazpi asin igwa man na 138 na drivers asin konduktor sa Naga.
Wara man suboot nin nagpositibo sa ciudad kan Legazpi mantang igwang 2 bus driver asin 1 konduktor an nagpositibo sa droga sa ciudad kan Naga.
Sinabi pa kan opisyal na kukumpiskahon an lisensya kan mga nag-positibo asin ire-refer sa anti-drug council kan saindang komunidad para sa makakanigong aksyon.
Pigsasagibo man suboot ini ngani maibitaran aksidente asin maprotehiran an saindang mga tarabaho.
Pangapudan man kan opisyal sa gabos na mga drivers asin konduktor na isipon an kaligtasan mga pasahero asin ibitaran an paggamit nin drogra sa maski anumang klase nin trabaho.
