LEGAZPI CITY-Nagluwas na nasa pinakahuri si Senador Chiz Escudero mantang nangengenot si Senador Raffy Tulfo sa mga igwang dakulang kantidad nin yaman sa 17 na mga senador na nagsapubliko kan saindang Statement of Assets, Liabilities and Net Worth (SALN).
Basado sa certified true copy kan SALN na ipinaluwas kan tanggapan ni Senate Secretary Renato Bantug Jr., nagrapado sa ₱1.052 bilyon an kabilugang yaman ni Tulfo mantang ₱18.8 milyon man kay Escudero.
Suminunod kay Raffy Tulfo, an saiyang tugang na si Erwin Tulfo na igwang kabilugang yaman na ₱497 millyon.
Sinundan ini kan mga minasunod na senador:
Sen. Migz Zubiri – ₱431.78 milyon
Sen. Ping Lacson – ₱244.94 milyon
Sen. Robin Padilla – ₱244.04 milyon
Sen. Jinggoy Estrada – ₱221.21 milyon
Sen. Lito Lapid – ₱202.04 milyon
Sen. Tito Sotto – ₱188.87 milyon
Sen. JV Ejercito – ₱137.08 milyon
Sen. Pia Cayetano – ₱128.29 milyon
Sen. Win Gatchalian – ₱89.52 milyon
Sen. Bam Aquino – ₱86.55 milyon
Sen. Loren Legarda – ₱79.21 milyon
Sen. Joel Villanueva – ₱49.50 milyon
Sen. Kiko Pangilinan – ₱26.73 milyon
Sen. Risa Hontiveros – ₱18.99 milyon
Sen. Chiz Escudero – ₱18.84 milyon
Mientrastanto, sa 17 na mga senador na nagpaluwas kan saindang SALN, anom digdi an warang nairehistrong pagkakautang o liability.
Kinabibilangan ini ninda: Senators Raffy Tulfo, Escudero, Gatchalian, Aquino, Padilla, asin Pangilinan.
Walo pang senador an dai nagpapaluwas kan saindang yaman kairiba na sinda:
Sen. Alan Cayetano
Sen. Bato dela Rosa
Sen. Jinggoy Estrada
Sen. Bong Go
Sen. Rodante Marcoleta
Sen. Imee Marcos
Sen. Camille Villar
Sen. Mark Villar
Mientrastanto, segun kay Gatchalian, an chairman kan Committee on Finance, nagkaigwa nin paghiro sa saiyang assets.
Sinabi man niya na importanteng isapubliko kan mga opisyal kan gobierno an saindang yaman ngani maibalik an pagtubod kan publiko sa mga lingkod-bayan.
Dagdag pa niya na an pagsasapubliko kan SALN an sarong konkretong lakbang ngani maipahiling an transparency asin integridad kan mga opisyaes kan gobierno.
