Inabswelto na sa Sandiganbayan si dating Senate President asin presenteng Chief Presidential Legal Counsel Juan Ponce Enrile, sa kasong graft katakod kan kontrobersyal na pork barrel scam.
Kaibanan pa an saiyang dating chief of staff na si Gigi Reyes sa mga napawarang sala.
Marurumduman na taong 2015 kan tinugutan si Enrile kan Korte Suprema na makapagpiyansa katakod kan humanitarian reason, sarong kontrobersyal na lakdang na isinurat ni dating Chief Justice Lucas Bersamin.
Sa motion for reconsideration, pigduon kan mga tagausig an testimonya kan mga testigo na sinda Benhur Luy asin Ruby Tuason.
Sa ibong kaini, nanindugan an Sandiganbayan na kulang an ebidensya ngani na patunayan an sabwatan asin paglustay kan pondo.
Sa pagkakaabsuwelto ni Enrile, kumpleto na an mga dating senador na naimbwelto sa pork barrel scam na anas naparawang sala, kaibanan na sinda Senator Bong Revilla asin Sen. Jinggoy Estrada.
