Sabay-sabay na nagbukas nin limang (5) spillway gate an mga major dams sa Luzon kawsa kan nagpapadagos na raot kan panahon kawsa kan bagyong Ramil (Fengshen), susog sa report kan Philippine Atmospheric, Geophysical and Astronomical Services Administration.
Basado sa report kan Hydrology Division kan state weather bureau, nagbukas nin tig-sarong spillway gate an Angat Dam asin Ipo Dam, antes maabot kan parehong dam an saindang normal high water level (NHWL).
Mantang sa Benguet, parehong nagpakawala nin bultong tubig an Ambuklao asin Binga Dams, siring man sa Magat Dam sa pagultangan kan Ifugao asin Isabela.
Nairehistro man an pagtaas nin tubig sa La Mesa, San Roque, asin Pantabangan Dams huli sa padagos na uran segun sa weather bureau.
Mientrastanto itinaas na kan PAGASA an Signal No. 2 sa pirang parte kan Nueva Vizcaya, Benguet, Pangasinan, Bulacan, asin Quezon City, mantang pigkakarkulong maabot sa 100–200 mm nin mga serye kan uran an mamamatean sa pirang probinsya sa Luzon asin 50–100 mm man sa Metro Manila asin mga kataraid na lugar.
 major dams in Luzon opened their spillway gates simultaneously due to the ongoing bad weather caused by Typhoon Ramil (Fengshen), according to a report by the Philippine Atmospheric, Geophysical and Astronomical Services Administration.){kind=link}