Namaaram na si dating Executive Secretary, congressman asin Armed Forces of the Philippines (AFP) Vice Chief of Staff Ret. Gen. Eduardo Ermita sa edad na 90 anyos.
Inanunsiyar kan pamilya Ermita sa paagi ni Balayan Mayor Lisa Ermita Abad an pamamaaram kan saiyang ama, na iniladawan niya bilang sarong dedicated public servant.
Base sa ipigheras na post kan alkalde, matoninong na binawian nin buhay an saiyang ama poco mas o menos alas 8:00 nin aga ngonian na Sabado, Oktubre 18, na napapalibutan kan saiyang mga mahal sa buhay.
Segun sa alkalde, an saindang ama nabuhay nin tapat na pagserbisyo sa namamanwaang Pilipino asin bilang sarong suldados, may dangal asin dedikasyon ining nagserbi sa mga panahon na an nasyon nag-atubang sa pinakadakulang angat.
Nakatalaan mang ianunsiyar kan pamilya ang mga detalye mapadapit sa interment asin funeral arrangements kan hawak kan namaaram na heneral.
Nagpaabot man nin taus-pusong pasasalamat an pamilya sa mga pangadyi asin nag-aapaw na pagkamoot asin suporta.
Si Ermita an enot na nagsirbi sa militar bilang Deputy Chief of Staff kan AFP poon 1986 sagkod 1988, naidesignar siya bilang ika-35 Executive Secretary kan Pilipinas sa irarom kan administrasyon ni dating Presidente Gloria Macapagal-Arroyo poon 2004 sagkod 2010 asin nagin kongresista kan Batangas 1st District poon 1992 sagkod 2021.
 Vice Chief of Staff Ret. Gen. Eduardo Ermita has died at the age of 90.){kind=link}