LEGAZPI CITY-Ganap na bilang sarong tropical storm an bagyong Ramil mantang nasa Philippine Sea.
An sentro kan bagyong Ramil nanotaran sa rayong 305km sa sirangan kan Juban, Sorsogon.
Dara kaini an kusog ki paros na nagaabot sa 65km/h harani sa sentro asin pag-bugso na hasta 80km/h.
Nagahiro man an bagyo pa-kanluran sa rikas na 20km/h.
Sa presente, nakabandera na an Tropical Cyclone Wind Signal No. 2 sa mga minasunod na lugar sa Luzon: Camarines Norte, Catanduanes, Norte kan Camarines Sur kairiba na an banwaan kan Tinambac, Siruma, Goa, San Jose, Lagonoy, Garchitorena, Caramoan, asin Presentacion.
Nakataas naman an Signal No. 1 sa manlain-lain na parte kan Luzon asin Visayas kun sain kairiba digdi an minasunod na lugar: Cagayan (kasama ang Babuyan Islands), Isabela, Quirino, Nueva Vizcaya, Apayao, Abra, Kalinga, Mountain Province, Ifugao, Benguet, Ilocos Norte, Ilocos Sur, La Union, Pangasinan, Aurora, Nueva Ecija, sirangang parte kan Bulacan, Tarlac, Pampanga, Norte asin sirangan kan Quezon kaiba an Polillo Islands, natatadang parte kan Camarines Sur, Albay, Sorsogon, Burias Island, asin Ticao Island.
Sa Visayas, Signal no. 1 man sa Northern Samar, North asin Eastern Samar.
Laoman man na mahiro an bagyo pa-kanluran hilagang-kanluran pasiring sa Central asin Southern Luzon.
Basado sa forecast track, posible ining mag-landfall o mag-agi harani sa Catanduanes atyan na hapon o banggi.
Babaybayon man kan bagyo an direksyon harani sa Vinzons, Camarines Norte asin Polillo Islands saaga (Oktubre 19).
