LEGAZPI CITY- Aminado an sarong grupo nin mga paratukdo na kaibanan sa rason kan duwang aldaw na suspensyon nin klase sa National Capital Region an nagdadakol na kaso kan Influenza-like illness.
Ini maski pa pignegaran kan Department of Health an paglangkaw kan numero kan mga pigtatamaan kan nasabing helang.
Segun ki Alliance of Concerned Teachers Chairperson Ruby Ana Bernardo sa intrevista kan Bombo Radyo Legazpi na nanotaran kan mga paratukdo an padagos na pagdiit kan mga estudyante na naglalaog.
Ini huli ta dakol an tinamaan nin ubo, sipon asin trangkaso.
Katunayan, magin an nagkapirang mga paratukdo an nagkahelang na man.
Aminado si Bernardo na dakulang factor man an crowded na mga classrooms kaya madaling nau-olakitan an mga kapwa estudyante.
