Posibleng magluwas nin pinal na hatol ang Senate impeachment court sa impeachment trial ni Vice President Sara Duterte pag-abot kan Disyembre 16, 2026.
Sinabi ni court spokesman Reginald Tongol na kung magagamit kan depensa ang 30 aldaw na itinagama para sa presentasyon kan mga testigo asin ebidensya, pwedesir mag-abot sa katahawan kan Disyembre ang paglilitis.
Sinabi niya na nasa labi 20 aldaw nin amay sa iskedyul ang paglilitis sa ibong kan pagkansela kan mga hearing kan Setyembre 30 asin Oktubre 2, siring man kan pinaikling hearing kan Oktubre 1. Kung hahalion kan prosekusyon ang Article 3, na may kinaaraman sa alegasyon kan panunuhol, pwedesir pang magin 27 aldaw na mas amay sa iskedyul ang trial.
Ipinaliwanag ni Tongol na matapos ihampang kan prosekusyon ang kaso kaini, kaipuihan pa kaining magsumite nin pormal na alok ng mga ebidensya bago dagos na makapaglahad nin depensa ang kampo ni Duterte.
Naenot nang pig-estimar kan impeachment court sa pre-trial order na pwedesir mag-abot hanggang Pebrero o Marso ang paglilitis.
