LEGAZPI CITY—Arestado an sarong lalaki sa ikinundusir na buy-bust operation sa Sitio Calpi, Barangay Buyo, Manito, Albay.
Segun ki Manito Municipal Police Station Officer-in-charge Police Captain Jose Brian Padre, sa intrevista kan Bombo Legazpi, an suspek sarong 26-anyos, warang agom, asin sarong paraooma.
Nakumpiskar sa suspek an tulong pidaso nin transparent plastic sachet nin pigtutubudang shabu na may kantidad nin labi P2,000.
Basado man suboot sa saindang chemistry report na nagpositibo man an suspek sa droga.
Napag-araman man na may kaiba pa an suspek kun saen pigrereklamo na man suboot ini kan saindang mga pagtaraning.
Alagad, segun sa opisyal na wara man sa lugar an kaiba kan suspek kan ikunundusir ninda an operasyon sa lugar.
Sa presente nasa kustodiya na kan Manito MPS an suspek para sa magkakanigong disposisyon.
Abiso man ni Padre sa publiko na dae na magporbar na madawit sa siring na mga gibo huli sa an mga kapulisan an pigpapahigot an saindang operasyon kontra ilegal na droga.
