LEGAZPI CITY – Arestado an 65 anyos na babae huli sa 2 counts kan kasong stafa through Falsification of Commercial Document sa sarong barangay na sakop kan Sto. Domingo, Albay.
Segun ki Sto. Domingo Municipal Police Station Acting Chief of Police Police Major Roderick Bino sa intrevista kan Bombo Radyo Legazpi na natunugan kan saiyang mga personahes na nasa laog kan saiyang harong an suspetsado kun kaya tulos ining dinakop sa bisa na man kan mandamiento de aresto.
Paglinaw niya man na an kasong pigkakahampang kan suspetsado an naisunad pa kan taong 1984 asin ngonian na taon pa sana iniluwas an warrant.
Sa presente suboot an nakaluwas na an nasambitang babae makalihis na makapagpyansa nin kantidad na P3,500 kada counts para sa saiyang temporamenteng libertad.
Patanid ni Bino sa mga indibidwal na may haloy nang kaso na dae makapag-kompyansa huli ta enkasong magpaluwas nin kasuguan an korte na kulungon an sarong tawo an wara sindang magiginibo kundi ipa-otob ini.
