LEGAZPI CITY — Arestado an sarong lalaki huli sa suboot panunuok sa sarong babayi mantang nakalunad sa pampasaherong jeep sa Rawis, Legazpi City.
Segun ki Legazpi CPS, Police Lieutenant Colonel Chief of Police Domingo Tapel Jr., sa intrevista kan Bombo Radyo Legazpi, naarestar an sarong 33-anyos na lalaki, daeng trabaho, asin residente kan Oro Site, Legazpi City.
Dagdag pa kan otoridad, na warang rason kun nata niya ini ginibo kun sain tinuok suboot asin sinaksak an saiyang kasabay na pasahero sa laog mismo kan pampasaherong jeep sa nasabing ciudad.
Nangyari man suboot an insidente sa tangod mismo kan Civil Service Commission (CSC) Office kun sain an biktima palaog na sa saiyang trabaho asin empleyado kan naunambitang opisina.
Mientrastanto, nagsapo man nin mga lugad sa parteng kamot an kasabay pa na sarong lalaking pasahero, makalihis na saksakon suboot ini kan suspek nin ‘swiss knife’ mantang pigtatabangan an kairibang pasahero.
Sa pagrespondir kan Legazpi CPS, nadakop an suspek asin napag-araman na nasa impluwensiya ini nin arak kan gibuhon suboot kaini an nasabing panunuok.
Sa presente, nahahampang an suspek sa kasong “alarm scandal” asin “physical injury” na ngonian pigpoproseso na kan mga otoridad para sa magkakanigong disposisyon.
