Warang patod an Department of Social Welfare and Development sa paghahatod nin tabang sa mga biktima kan linog sa Davao Oriental.
Segun kay DSWD Assistant Secretary Juan Carlo Marquez, naihatod na kaini an kabilugang kantidad na ₱615,840 bilang inisyal na tabang.
Kabale sa mga tabang na ipinadara iyo an mga pagkaon, tubig, bulong, asin iba pang pangenot na pangangaipuhan nganing maibsan an saindang paghihirap.
Bilang kadugangan, nai-deploy na man sa probinsya kan Davao Oriental an Mobile Command Center kan Field Office 11 kan DSWD.
Ini an nganing maparikas an koordinasyon asin pagtatao nin tabang sa mga lugar na nangangaipuhan.
Basado sa datos, igwang 15,868 pamilya, katampad nin 78,430 katawo, an nairehistrong apektado kan makusog na pagyugo sa enterong provincia.
Sa presente, igwang 1,583 pamilya, o 7,915 na indibidwal, an paramientras na nagtetenir sa limang evacuation centers na ipigtugdok asin asin pigmamanduhan kan local government unit (LGU).
