LEGAZPI CITY-Pig-introdusir na sa Bacacay Albay an ika-17th na “Balay Silangan” para sa mga imbuelto sa drug selling o an mga nagpapabakal nin droga.
Segun kay Philippine Drug Enforcement Agency Albay Officer Noe Briguel, sa intrevista kan Bombo Radyo Legazpi, na pig-inagurate na an sarong Repormatory Intervention Facility (RIF) sa Bacacay Albay kun sain kaipuhan an pagtatao nin reporma para sa mga imbuelto sa pagpapabakal nin iligal na droga.
Sinabi man kan opisyal na importante an mga “Balay Silangan” bilang saro sa mga missing link sa saindang kampanya kontra sa iligal na droga.
Nagpoon suboot ini kan taong 2016 kun sain naisipan magbugtak nin intervention para sa mga nagpapabakal huli sa pagtatao kan korte suprema nin intervention enkaso imbuelto sa pagpapabakal nin droga an sarong akusado.
An kaibahan suboot kaini sa rehab an para ini sa mga naggagamit nin iligal na droga alagad an mga nagpapabakal an irerekomenda sa mga “Balay Silangan”.
Kaipuhan suboot na matawanan na nin mga intervention an kada lokal na gobierno.
Abiso man kan opisyal na padagos an saindang pangangapudan para sa mga drug personalities, na mag-avail nin rehabilitasyon asin para man sa mga nagpapabakal nin droga an refomatory intrevention ngani makatabang asin aprobitsaran an pig-oofresir kan gobierno.
