LEGAZPI CITY-Naarestar kan mga otoridad an No. 1 Municipal Most Wanted kan San Andres Catanduanes sa Lucban, Quezon.
Binisto an suspek na si alyas “Gari”, 53-anyos, may agom, asin sarong paraooma.
Segun kay San Andres Municipal Police Station Police Major Francis Tabo, sa intrevista kan Bombo Radyo Legazpi na naarestar an suspek sa bisa kan warrant of arrest sa kasong frustrated murder criminal case no. 3766.
Napagaraman man suboot na igwa pang ibang kaso nin frustrated homicide an suspek kun kaya nakaiba ini sa listahan kan Municipal Most Wanted Person.
Sa presente, nasa kustodiya na kan Lucban MPS an suspek para sa karampatang disposisyon asin nakatakdang ibiyahe pabalik sa korte na para hampangon an saiyang bilog na kaso.
Mensahe man kan opisyal sa mga may pigkakahampang na kaso na sumuko na asin hampangon an saindang mga kaso para sa hustisya kan mga biktima asin ngani magkaigwa sinda nin katoninongan sa saindang mga buhay.
