LEGAZPI CITY-Liwat na magiging katabang kan Bombo Radyo Philippines an Department of Health para sa taunang Dugong Bombo, A little pain, a life to gain.
Marurumduman na an nasabing aktibidad an binansagan na pinakamadugong blood letting activity sa nacion.
Segun ki Nicole Anne Bejo, Donor Recruitment Officer Bicol, South Luzon Sub National Reference Laboratory Blood Center na dakulang tabang an nasabing blood letting activity ngani na makatabang sa pagsalbar sa buhay kan mga pasyente na nangangaipo kaini.
Paliwanag kan opisyal na sa paagi kaini, masi-sierto na bilog na taon na igwang bastanteng suplay nin dugo na makakatabang sa mga nangangaipo kaini.
Pigduon man ni Bejo na dakulang tabang an pagdonar nin dugo para sa mas mabaskog na salud bako sana kan makakaresibe kaini kundi an mismong donor.
An dugong Bombo 2025 an nakatalaan na gibuhon sa maabot na bulan nin Nobyembre.
