LEGAZPI CITY-–Liwat na nagpagiromdom an lokal na gobierno kan ciudad kan Legazpi sa mga namamanwaan na magsunod sa mga instruksyon kan mga otoridad katakod kan preparasyon sa bagyong Opong.
Segun ki Legazpi City Disaster Risk Reduction and Management Office Head Engr. Ladee Azur, intrevista kan Bombo Radyo Legazpi, huli sa primerong obheto kan mga instruksyon kan mga otoridad iyo an kaligtasan kan lambang saro.
Segun saiya na diit man sanang tios an ilalalaan kan mga residentes huli sa papalagpason man sana ninda an kusog kan paros asin uran sa mga evacuation centers.
Dugang niya na en kaso mahihiling na ligtas nang mag-uli an mapaluwas man sinda nin decampment advisory.
Tinawan-duon niya na an buhay saro lang asin an obheto man sana kan saindang pagpapa-ebakwar an makasalbar nin buhay kan sarong indibdiwal.
