LEGAZPI CITY-Pigsumiter na kan Department of Public Works and Highways (DPWH) an mga air assets ni Ako Bicol Partylist Rep. Zaldy Co sa Anti-Money Laundering Council (AMLC) para mag-request nin ‘freeze order’.
Segun sa Civil Aviations Authority of the Philippines (CAAP), nagaabot sa haros P5-Bilyon an mga assets kan kongresista.
Magigirumduman na si Ako Bicol Rep. Zaldy Co an dating chairman kan House appropriations committee, asin kairiba sa mga mambabatas na pigiimbestigaran katakod kan mga anomalya sa flood control projects kan Department of Public Works and Highways.
Kairiba man sa pig-isyuhan nin ‘freeze order’ kan saindang assets sinda Sen. Joel Villanueva, Sen. Jinggoy Estrada, dating DPWH USec. Roberto Bernardo, dating Cong. Mitch Cajayon, asin si dating-DPWH Official Henry Alcantara.
