LEGAZPI CITY-Personal na nag-commute an mismong Director kan Land Transportation Franchising and Regulatory Board Bicol ngonian na aldaw ngani mahiling an epekto kan transport strike sa rehiyon.
Segun kay LTFRB Bicol Regional Director Joel Defeo, sa intevista kan Bombo Radyo Legazpi na pabor siya sa pigsasagibong pag-commute kan mga empleyado kan Department of Transportation.
Sinabi pa ni Defeo na maski kan dai pang direktiba dapit sa pag-commute, an haloy na suboot siyang nagsasagibo kaini ngani mahiling mismo an mga nasa grounds asin an mga pigrereklamo kan mga public utility.
Magkakaigwa man suboot sinda nin miting huli sa may mga dapat na ayuson sa Bicol International Airport.
Dugang pa niya na suportado niya an paminsan-minsan na pag-commute ngani ma-validate an mga ipigpapaabot na mga complaints.
Magpapaluwas man suboot an director nin memorandum na magpapagirumdom sa mga transport service entities siring kan pag-display kan mga fare matrix asin pagsisierto kan mga public utility vehicles.
Isasagibo man suboot ini ngani mamantenir an kaayusan sa laog kan mga pampasaherong behikulo para sa seguridad kan mga commuters.
