LEGAZPI CITY-Pabor para sa sarong partido an pigsasagibong pagbabago sa liderato kan Kamara sa tahaw kan mga kontrobersiya sa kurapsyon.
Segun kay Act Teachers Partylist Representative Antonio Tinio, sa intrevista kan Bombo Radyo Legazpi, na haloy nang pigpaplanuhan an nasabing pagbabago sa posisyon asin an mismong pagbaba sa puwesto ni House Speaker Martin Romualdez.
Sinabi niya na pabor siya sa mga pagbabago sa liderato huli sa 3 an budget para sa taong 2023 an ipigsasairarom sa imbestigasyon siring kan mga pinakadakulang insertions n anagin resulta kan kurasyon sa lado kan gobierno.
Malinaw suboot na responsibilidad ini kan House of Representatives asin kan Senate Presidente na magkaigwa nin mga pagbabago huli sa panahon na ngani maipaliwanag an mga budget kan mga nakalihis na taon asin mapanimbag an dapat na mapanimbag.
Dagdag pa ni Tinio na huli sa resignation an nangyari, an posibleng surgical sana an paghiro sa kamara kun sain magigin “minimal” sana an mga puwesto poon sa deputy speaker, committee chair, asin sa mga commissions.
Huli digdi, as magayon suboot kun magtenir an iba sa saindang posiyon asin piglalaoman niya an dakulang pagbabago sa kamara.
Sinabi pa niya na saro suboot sa mga posibleng konsiderasyon ni Romualdez, an nangyayaring imbestigasyon sa flood control projects kun sain piglalaoman an mas harararom pang imbestigasyon kasabay kan mga palitan kan liderato.
