Pinahimutikan ni Mayor Benjamin Magalong na nagbutas siya sa pwesto bilang alkalde kan Baguio City nganing magsirbi sa independent commission na mag-iimbestiga sa suboot korapsiyon sa infrastructure projects kan gobierno sa nakalihis na 10 taon.
Ginibo kan alkalde an nasabing paglilinaw sa saiyang online account kasunod kan napabareta na suboot pagbaba niya sa pwesto.
Warang katotohanan suboot an naglalakop na claims na nagbaba siya sa pwesto asin ipigdoon na dae siya nag-resign.
Magtetenir man suboot siyang fully committed sa pagsisirbi sa saindang ciudad.
Magigirumdumang naenot nang pinangaranan ni Presidente Ferdinand Marcos Jr. si Magalong bilang special adviser asin investigator para sa binilog na independent commission.
Nanindugan man si Mayor Magalong na dae makakaapektar sa saiyang mandato bilang alkalde an saiyang papel sa nasabing komisyon asin magtetenir na prayoridad niya an namamanwaan kan Baguio.
