LEGAZPI CITY-Pinaliwanag kan sarong political science professor an padagos na imbestigasyon sa flood control projects an nagpapahiling nin ideya kan “trial of publicity” na posibleng igwang epekto sa konsepto kan publiko.
Segun kay University of Santo Tomas Manila Department Political Science Professor Micah Francisco, sa intrevista kan Bombo Radyo Legazpi, na sa padagos na imbestigasyon sa flood control projects, an posibleng mabago an kosepto kan mga tawo sa mga pangyayari asin sa kun papano ninda hihilingon an sarong politician.
Dugang pa kan professor na digdi mahihiling an konteksto kun pano pig-frame an media reports particular na sa mga isyu sa flood control projects.
Huli digdi posible suboot na mabago an ideya kan publiko sa masunod na eleksyon kun sain posibleng dai niya na iboto pa an nahiling niya sa imbestigasyon na pigkukuwestyun sa mga hearing sa senado.
Sinabi pa ni Francisco na kadakol sa Pilipino an suboot mga “unhistorical” kun sain pwede nindang dai na marumduman an sarong politiko enkaso magtao ini nin ayuda sa mga masunod na eleksiyon na pwedisir magresulta sa parehong sistema sa politika.
Posible man suboot na mabaliktad an sitwasyon kun sain saro ining political strategy kun sain pigaabuso an mindset kan tawo.
Punto pa kan propesor na igwa man nin epekt an mga nangyayaring imbestigasyon sa imahe kan mga lider sa senado siring kan nagyari kay dating Senate President Chiz Escudero na maikukumpara sa pagkakaigwa nin “vote of no confidence” kun sain nagiisip na an mga kaalyado huli sa bako na magayon an imahe sa publiko kan sarong opisyal.
Huli digdi, sinabi niya na susunudon kan nagkapira an saindang mga interes, mabago nin mga kaalyado, asin mabago nin mga lideres kun sain mas dakula an impact sa senado.
Pigtawan doon man kan propesor na igwang mga paagi sa politika kun papano sinda mahihiling kan publiko, kaya tulos pig-distansya an saindang mga sadiri kun igwang mga problema na nagpapahiling suboot nin maluyang sistema asin warang mga pigsusunod na ideya sa politika sa Pilipinas.
Laoman man niya na magkaigwa nin ley na magpapakusog kan institusyon kan Pilipinas asin kaipuhan na matugunan an sitwayson kun sain dapat na igwang mai-presentar na mga legislation ngani mapakusog an mga institutions.
