Denepensaran ni Maine Mendoza an saiyang agom na si Quezon City Rep. Arjo Atayde makalihis idawit ini kan contractor na si Curlee Discaya sa flood control anomaly.
Sa saiyang pahayag sa social media, tahasang pigdepensaran ni Maine si Atayde asin nanindugang warang piggibong maraot an lehislador.
Pagdoon pa ni Maine, na sa puon pa sana honesto nang nagseserbi si Arjo sa saiyang distrito sa Quezon City.
Dugang pa niya, nagpapangadyi siyang mapanimbag an tunay na may kasalan sa isyu asin dae makaladkad an mga inosente.
Magigiromdomang sa Senate Blue Ribbon Committee kan Lunes, Setyembre 8, kaiba si Atayde sa mga kongresistang isiniwalat ni Discaya na nag-solicit suboot nin kwarta makalihis an saiyang kompanya sa sarong government project.
