An pinakabagong trailer kan podcast ni Presidente Ferdinand “Bongbong” Marcos Jr. kan saiyang emosyonal na reaksyon mantang pig-uulayan niya an labing kasakitan na pig-aagihan kan kadaklan na mga Pilipino.
“Yes, [I’m teary-eyed] because I’m really upset. I see people having a hard time, and they don’t deserve it,” ani Marcos.
Segun sa Presidente, bakong makatarungan an tinios na pagsakit kan nagkapirang namamanwaan, urog na an mga mahigos asin matinabang sa saindang pamilya.
“Mabuti kung masamang tao ‘yan, dapat parusahan. Hindi naman eh, walang ginawa ‘yan kung hindi magtrabaho, kung hindi mahalin ang pamilya,” dagdag niya.
Katakod kaini, pig-anunsyo man ni Marcos an padagos na pagrepaso kan 2026 National Expenditure Program makalihis na marisa an nagkapirang kuwestionableng pondo.
Pinagsugo niya an Department of Budget and Management (DBM) asin Department of Public Works and Highways (DPWH) na magsagibo nin mahiwas na pagrepaso sa mga budget proposals, orog na sa mga flood control projects na pigsasabing igwang iregularidad.
