LEGAZPI CITY-Pinirmahan na ni Senate President Francis Chiz Escudero an subpoena sa mga indibidwal kan walong construction companies na dai nagpadara kan saindang kinatawan sa pigsasagibong imbestigasyon kan Senado mapadapit sa Flood Control.
Ipapadara ini ngonian na aldaw sa walong construction companies na dai nagatendir sa Senate Blue Ribbon panel.
Kairiba digdi an mga kumpanya kan: Wawao Builders, Topnotch Catalyst Builders Inc., Sunwest Inc., St. Timothy Construction Corp., Royal Crown Monarch Construction & Supplies Corp; L.R. Tiqui Builders Inc.; Hi-Tone Construction & Development Corp asin an Alpha & Omega General Contractor & Development Corp.
An nasabing lakdang an nagsisirbing pagsuporta sa pigsasagibong imbestigasyon ni President Ferdinand Marcos Jr. sa mga maanomalyang flood control projects.
Pinangaranan man kaini an 15 construction companies na nakakuwa nin kadakol na parte kan P545 bilyon na kantidad kan flood control projects sa irarom kan pagkontrata sa gobyerno.
