Dae pinugulan ni Department of Public Works and Highways (DPWH) Sec. Manuel “Manny” Bonoan an pag-arestar sa sarong district engineer na imbuelto suboot sa panunuhol, kun talagang anomalya an ginibo kaini.
An nasabing reaksyon kasunod kan mga bareta na sarong staff member kan saindang departamento an arestado huli sa suboot pagprobar na magsuhol ki Batangas 1st District Rep. Leandro Leviste.
Segun kay Bonoan, sa siring kaining asal an dae na dapat magduwang isip na arestuhon asin panimbagon an may sala.
Nagtutubod an kalihim na an mga kaparehong pangyayari an nakaka-apektar sa reputasyon kan saindang opisina, bagay na dae dapat pabayaang mangyari.
Kun kaya, aalion sa presenteng pwesto an imbwelto na opisyal asin susupindehon sa gabos na functions.
Basado sa post ni Sen. Panfilo “Ping” Lacson, pigprobaran kan nasambitang district engineer na suhulan si Leviste nin maabot sa P360 million.
Wara pang pahayag an kampo kan akusado na opisyal kan DPWH sa Batangas.
 Sec. Manuel “Manny” Bonoan the arrest of a district engineer allegedly involved in bribery, if he really committed an anomaly.){kind=link}