Nagpahayag nin suporta an Philippine National Police (PNP) sa propwestong ibaba an edad kan mga pwedesir padusahan pag nakagibo nin krimen.
Alagad pagdoon ni PNP Chief Gen. Nicolas Torre III, kaipuhang basado ini sa scientific evidence.
Dugang niya, papabayaan ninda an mga lehislador na magdesisyon madapit digdi.
Kasunod ini kan isinunad na propwestong ley ni Senador Robin Padilla na ibaba sa 10 an minimum age kan pwedesir manimbag kun maimbuelto sa magagabat na krimen.
Obheto kan propwestong ley ni Padilla na maamiyendahan an Republic Act No. 9344 o an “Juvenile Justice and Welfare Act of 2006”, na matangkas kan criminal liability exemptions sa mga edad 10 sagkod 17 na nakagibo nin heinous crimes siring kan murder asin rape.
