LEGAZPI CITY-Sinabi kan sarong political analyst na nagkukulang pa bilang chairman kan Senate blue ribbon committee si Senator Rodante Marcoleta alagad pig-omaw niya an kuosg ki boot kan opisyal huli sa pagimbestiga sa flood control projects.
Segun kay Political Analyst Atty. Michael Henry Yusingco, sa intrevista kan Bombo Radyo Legazpi, na bako pa siya sa satisfied sa imbestigasyon kan senador alagad sinabing sa presente nasasabutan niya an sitwasyon kaini huli sa pigbabangga niya an mga potentially potlitical dynasty na suboot kanya-kanya nang naglilinig kan saindang mga pangaran.
Dagdag pa kan opisyal na dapat dai siya magpayag na mahugas-kamay an mga imbuelto digdi asin dapat na maipadagos an imbestigasyon ngani mahiling kun siisay talaga an mapapawarang sala.
Dugang pa ni Yusingco na kulang pa an mga impormasyon asin dapat na magkaigwa nin “evidence beyond reasonable doubt” an prosecution na matindog sa korte asin sa sandgang bayan.
Sinabi niya na dapat dai maglaom sa presenteng imbestigasyon sana, huli sa kadakol an complicit digdi, alagad mas dakulang burden suboot ini para sa media na magpaluwas nin katotohanan nin warang pigpoprotehiran.
Mas magayon man suboot na magluwasan pa an mga impormasyon ngani maaraaman kan mga namamanwaan kung sain dapat dai mawara an consciousness kan publiko mapadapit sa nasambitang isyu
