LEGAZPI CITY – Kinondena kan grupong Pambansang Lakas ng Kilusang Mamamalakaya ng Pilipinas (Pamalakaya) an nagin agresyon kan mga barko kan China sa mga barko kan Philippine Coast Guard sa west philippine sea (WPS).
Segun ki PAMALAKAYA Chairperson Ka Pando Hicap sa intrevista kan Bombo Radyo Legazpi na an pagbanggaan kan duwang barko kan China an nagpapahiling na gigibuhon ninda an gabos nganing makuwa an pig-aanging kadagatan.
Pagdoon niya man na warang basehan an China na sainda an WPS huli ta tinuldukan na ini kan United Nations Convention on the Law of the Sea.
Tahasan man niyang pinangaranan an mga suboot haralangkaw na opisyal kan gobierno na Duterte Supporters na mas pigkakampihan pa an China na nagigin rason man kan warang pundong pag-harass kan mga ini sa mga barko kan Pilipinas.
Pigtaram pa kaini na posible pang maglala an mga illegal manuevers kan China kun magpapadagos an pagsandig kan Marcos Administration sa tabang kan Estados Unidos na pwedesir mang mag-hantong sa sarong gyera.
Dapat suboot na makisumaro an gabos na mga pilipino sa pagkondena huli ta magigin biktima an ordinaryong namamanwaan kun dae maipapamate sa administrasyon na tutol an publiko sa padagos na agresyon kan China sa WPS.
Kun siya an hahaputon an masasabi niyang karma an pangbanggaan kan duwang barko kan China alagad pwedesir man ining magpahiling na babanggaon talaga ninda an ibang barko na nasa bisinidad kan mga pigsasadiri nindang teritoryo.
Nagpatanid man si Hicap na pwedesir mautro an mga kaparehong pangyayari urog nang dae naisakatupadan kan China an saindang planong pagbunggo sa mga barkong pandigma kan Pilipinas.
 condemned the aggression of Chinese ships against Philippine Coast Guard ships in the West Philippine Sea (WPS).){kind=link}