LEGAZPI CITY-Ipighayag ni President Ferdinand Marcos Jr. na an pag-archive kan Senado sa articles of impeachment laban kay Vice President Sara Duterte, dai boot sabihon na na-dismiss na an nagin reklamo sa bise.
Tinawan doon man kan Presidente na warang kinaaraman an gobierno sa nagin desisyon kan senado na i-archive an articles of impeachment laban kay Vice President Sara.
Dagdag pa niya na dai siya makikiaram sa impeachment case asin ipapaubaya niya ini sa House of Representatives asin sa Senado.
Ipinunto man niya na warang role an ehekutibo sa nasabing reklamo orog na siya an saro man sa mga impeachable officer.
Sa nagin botohan, nasa 19 na senador an nag-vote na i-archive an articles of impeachment mantang apat an bako pabor asin saro man an nag-abstain.
Sa ibong kan ipigsangat na motion for reconsideration kan Kamara sa Supreme Court, dai mapatibag an Senado asin ipinadagos man giraray an nasabing borotohan.
Mientrastanto, piglinaw man kan Presidente na procedural issues man sana an pignagdesisyunan kan Supreme Court asin bako an merito kan impeachment complaint laban kay Vice President Sara.
Paliwanang pa niya na warang kinaaraman an pagiging tama o mali kan mga akusasyon laban sa bise na nakatalaga sa impechment complaint an nagin desisyon kan Supreme Court.
Wara man suboot na nangyaring paglilitis asin an mismong nakasaad sa impeachment complaint, an dai pa napagdedebatehan.
Punto pa kan Presidente, na dai siya dpaat makiaram sa kaso huli sa an kamara, senado, asin supreme court an igwang papel sa proseso kan impeachment.
